Galicia manterase nesta xornada nunha situación de equilibrio entre altas e baixas presións, o que deixará un tempo variable ao longo do día.
Durante a mañá predominarán os ceos moi nubrados, con presenza de chuvias febles en distintos puntos da comunidade. Co avance da tarde, estas precipitacións tenderán a remitir, abríndose progresivamente claros.
No apartado térmico, as temperaturas experimentarán un ascenso entre lixeiro e moderado, deixando un ambiente máis suave en comparación con xornadas anteriores. (máximas de 17 a 19 graos).
En canto ao vento, soprará frouxo de compoñente oeste en xeral, con intervalos moderados no litoral norte.
O noso mar: Vento do sudoeste á mañá, do sur á tarde e do sur á noite, forza 2 a 4 á mañá e á tarde e 2 a 3 á noite. Mar ovellado á mañá e á noite e marusía á tarde. Visibilidade regular á mañá e boa á tarde e á noite. Mar de fondo do noroeste, con ondas de 1 a 2 metros á mañá e 1.5 a 2.5 metros á tarde e á noite.
