O pasado sábado 11 de abril o Concello de Muros celebrou un novo Café Feminista no Centro Social de Louro.
O evento, que pechou a programación municipal polo 8M, foi inaugurado por Laura Rivadeneira, concelleira de Participación Cidadá e Relacións Veciñais.
Esta actividade, dirixida pola psicóloga Áurea Brea, desenvolveuse en dúas partes: primeiro unha primeira parte teórica, na que se abordaron conceptos clave e se reflexionou sobre emocións, actitudes e comportamentos que moitas veces pasan desapercibidos; e logo unha segunda parte máis dinámica, con xogos de roles que permitiron analizar diferentes situacións e comprender como unha mesma realidade pode ser percibida de distintas maneiras.
O Concello agradeceu a implicación e participación de todas as persoas asistentes.
Maruxa Martínez, concelleira de Muller e Igualdade, destacou que “este xa é o terceiro Café Feminista que organizamos dende a Concellería, e imos seguir traballando nesta liña, xa que son actividades moi enriquecedoras que están a contar cunha gran acollida por parte das nosas veciñas e veciños”.
