Este venres 27 de marzo Dodro acolleu a presentación do libro Iniciación á micoloxía de Saúl de la Peña Lastra, unha obra de divulgación concibida para todo tipo de lectores, especialmente indicado (como se indica no seu título) para quen queira dar os seus primeiros pasos no mundo dos cogomelos, con coñecemento útil e seguridade.
Saúl de la Peña Lastra é doutor en medio ambiente e enxeñeiro forestal. Leva máis de trinta anos estudando a natureza, en especial o mundo dos fungos e das plantas. Na actualidade estuda as relacións ocultas entre os bosques atlánticos a través das redes fúnxicas que os conectan.
É ademais un experto micólogo e é profesor do departamento de Edafoloxía e Química Agrícola da Facultade de Bioloxía da Universidade de Santiago de Compostela.
A cita celebrouse na Casa da Cultura de Dodro e contou cunha destacada presenza de público.
Organizou o Concello de Dodro e colabora a Deputación da Coruña.
