Fai clic para indicarlle a Gmail que esta conversa é importante
Foi moita a choiva que afectou as rías, os ríos e os montes galegos nestes últimos meses, feito que non impediu que xa se produciran incendios forestais de danos limitados en distintas provincias da comunidade autónoma.
Os prexuizos causados non son, nen moito menos, poucos. Ata tal punto existen, que os afectados están á agarda de que a unta aplique acordos tendentes a que a administración invista os anunciados 23 millóns de euros comprometidos para paliar os graves danos ocasionados, unha cantidade que o PS de G considera insuficiente. É unha cantidade insuficiente e “así non se salva o marisqueo”, afirman os socialistas, que convidan aos representantes do goberno autonómico a que viren cara outra realidade: aplicar medidas que se noten no día a día e que a proposta se traslade ao Parlamento canto antes.
Porque era máis que sabido que esto ía ocorrer: foi moita a choiva caída e que a terra non sería quen de absorver. Tapar cunha manchada de millóns de euros (23) o dano producido é coma tentar apagar un incendio forestal a golpe,de “pitilín” dun cativo de dous meses. Non é abondo, precísanse moitas máis axudas. E isto sábeo moi ben a Xunta. Así, verdadeiramente, non se salva o marisqueo. E o presidente da Xunta non pode chamarse ao engano: son moitos os millóns de euros perdidos nas rías de Galicia por mor das riadas de auga doce que mataron miles de quilos de berberecho, ameixa, navallas e mexillón cuxa semente e coidado soamente xa supera con moito a cantidade económica orzamentada pola administración autonómica.
Que lles vou dicir a vostedes que non saiban?. Deixen de agochar a testa. É hora de facer fronte á realidade: os problemas non se arranxan sempre a golpe de DOG.
