A pesar da súa mocidade levaba sete anos de angustia permanente polo temor para perder a súa vivenda habitual, agravado por acosos constantes dos responsables das entidades financeiras. Agora, comezan a ver a luz ao final de túnel, tras a próxima sinatura dun alugueiro social
A súa esposa perdeu máis de quince quilos, en pouco menos dun ano. A presión, intransixencia, acoso familiar e cara ás persoas da súa contorna, por parte do director do banco, fixéronlle temer pola súa propia vida. Agora a familia está a piques de asinar unha dación en pago e a vida comézalle a sorrir.
Xa non cree na honestidade e a solidariedade entre os homes. Foi unha vítima inocente máis do terrorismo financeiro, da usura e a especulación duns desvergonzados que viven á conta de quedarse co patrimonio dos demais. Catro negocios, dúas vivendas, terreos e un saldo millonario na súa conta. Da noite para a mañá queda co posto. Pensou, nun principio, en terminar co sufrimento da súa familia, da peor maneira posible. Ao final, o profundo sentimento relixioso da súa esposa e o ánimo e apoio psicolóxico dispensado por Stop Deshaucios da súa Comarca, fíxolles recuperar a ilusión e o seu compromiso como activista social.
Non quería perder a súa casa e ao mesmo tempo non podía vivir nela. Os malos tratos psicolóxicos, ocasionados polo seu ex marido, séguenlle atemorizando e son moitas as noites de insomnio. Levaba anos visitando o banco onde lle concederon o préstamo hipotecario para refinanciar o mesmo e só recibe humillacións, desprezos e mesmo algunha que outra proposición deshonesta. Xa non sabe onde acudir, ao final atópase cun colectivo de veciños comprometidos cos máis humildes e que loitan contra a usura e a prepotencia dos bancos, logrando liberarse da débeda, grazas á sinatura dunha dación en pago. É moi xoven e hoxe en día vive feliz, co seu traballo e unha nova parella, lonxe da súa terra cun futuro esperanzador.
Poderiamos seguir plasmando decenas de casos de vidas rotas e hipotecadas, que un bo día viron a luz, na comarca do Barbanza, grazas á súa loita e fortaleza.
