Na madrugada deste mércores 11 de marzo foi mobilizada a dotación de garda do Parque de Bombeiros de Ribeira, xunto coa Policía Local de Ribeira, con motivo dun incendio localizado no toldo do Restaurante O Xardín de Ribeira, situado na rúa Otero Pedrayo. Segundo indicaron dende o Parque de Bombeiros, o aviso foi recibido sobre as 3.00 horas. O lume, que destruíu o toldo e deixou danos na fachada do edificio, foi sufocado en media hora aproximadamente. Segundo informaron os bombeiros e a Policía Local, as lapas non chegaron ao interior do establecemento nin ao cadro eléctrico.
