O pleno da Corporación de Rianxo aprobou esta semana pasada, cos votos a favor do equipo de Goberno, do Partido Popular e do Partido Socialista, a proposta coa que Rianxo participará no Plan de Obras e Servizos (POS+2026) da Deputación da Coruña.
Inclúense catro actuacións consideradas primordiais:
-Ampliación da rede municipal de abastecemento de auga entre Ourolo e A Burata, na parroquia de Taragoña – 181.427,40€.
-Ampliación da rede municipal de abastecemento de auga entre Pousada e A Capela, na parroquia do Araño – 185.747,10€.
-Financiamento do servizo de recollida do lixo e reforzo do Plan de Mantemento de Pistas Municipais – 333.705,39€.
– Ademais, aprobouse o plan complementario que inclúe un novo proxecto de renovación do firme e do mobiliario urbano do paseo marítimo – 229.664,05€.
