O alcalde e responsable da área de Patrimonio do Concello de A Pobra, José Carlos Vidal, e a concelleira de Memoria Histórica, Patricia Lojo, e membros da Comisión pola Recuperación da Memoria Histórica do Barbanza, mantiveron unha segunda xuntanza no Arcebispado de Santiago de Compostela co obxectivo de avanzar nos traballos de reparación das inscricións situadas na fachada da igrexa do Caramiñal.
Durante o encontro no que participou o Vicario xeral da diócese José Andrés Fernández Farto e o responsable de patrimonio do arcebispado, Pablo Carou Barro, abordáronse os aspectos técnicos necesarios para acometer a intervención, que busca respectar a denominación orixinal do templo. Así, acordouse que as letras actuais serán cubertas polo nome histórico: Igrexa Santa María a Antiga do Caramiñal.
Esta actuación enmárcase nas accións conxuntas entre o Concello da Pobra do Caramiñal e o Arcebispado destinadas á conservación e posta en valor do patrimonio relixioso e histórico do municipio.
