O alumnado participante no Programa Integrado de Emprego que levan a cabo de forma conxunta os Concellos de Boiro, Rianxo e A Pobra participou nun obradoiro de deseño de currículos carta de presentación e deseño de currículos orixinais na que se implicaron finalmente 26 persoas.
Durante a actividade as persoas asistentes recibiron consellos prácticos para destacar as súas habilidades, experiencias e competencias, así como recomendacións clave para adaptar o seu currículo e carta de presentación ás diferentes ofertas laborais e que estes actúen como elemento diferenciador nos procesos de selección.
A actividade formativa estivo conducida por María Boisa Dosil, consultora de Recursos Humanos da entidade Micofer by Empatif. O deseño desta actividade formativa achegou ás persoas asistentes a visión dun recrutador, dando a coñecer que aspectos valoran máis as empresas e como analizan os perfís, así como os elementos que poden marcar a diferencia nunha candidatura.
O Programa Integrado de Emprego do Concello de Boiro 2025-2026 realízase en colaboración co Concello de Rianxo e a Pobra e está subvencionado pola Consellería de Emprego, Comercio e Emigración da Xunta de Galicia e o Servizo Público de Emprego Estatal.
