A Sociedade Liceo de Noia compartiu nas redes o programa de actividades para a celebración 2026 do Entroido, “unha axenda divertida con música, disfraces e moito ambiente”.
As actividades comezarán o sábado 14 de febreiro cunha gran festa nocturna (ás 23.00 horas) que contará coa presenza estelar de Blanca Doble. Haberá sorteos entre as persoas disfrazadas.
O domingo 15 de febreiro será unha xornada plenamente para a rapazada, cunha festa infantil de disfraces que dará comezo a media tarde, a partir das 17.30 horas, e que contará coa presenza de inchábeis, un posto de algodón de azucre e unha disco móbil.
A troula proseguirá o sábado 21 de febreiro, cunha cea-piñata para viaxar no tempo aos anos 80. Dará comezo ás 22.00 horas e estará amenizada por DJ Belish. Haberá sorteos entre os disfrazados.
