Continuaremos este martes 13, baixo o dominio das baixas presións, polo que persistirá a inestabilidade atmosférica. Durante a mañá, a fronte moi activa da xornada do luns irá abandonando o país, deixando precipitacións xeneralizadas, que poderán ser localmente fortes na metade norte durante as primeiras horas do día. A cota de neve descenderá ata os 1.200 metros.
As temperaturas mínimas experimentarán un lixeiro descenso, mentres que as máximas non rexistrarán cambios significativos (8 a 15 graos). Os ventos soprarán de compoñente suroeste, de intensidade moderada.
O noso mar: Vento do sudoeste á mañá e á tarde e do oeste á noite, forza 4 a 5 á mañá, 3 a 5 á tarde e 2 a 3 á noite. Forte marusía á mañá e á tarde e mar ovellado á noite. Visibilidade regular á mañá e á tarde e boa á noite. Mar de fondo do oeste á mañá e á tarde e noroeste á noite, con ondas de 2.5 a 3 metros á mañá, 3 a 3.5 metros á tarde e 4 a 4.5 metros á noite.
