O Concello de Muros informou do comezo as obras para o saneamento e a renovación do pavimento da rúa Real, cun investimento de 240.000 euros.
Por este motivo, desde este xoves, 22 de xaneiro, e ata novo aviso, permanecerá pechado ao tráfico o acceso á rúa Real dende a praza de Galicia, confirmaron fontes do Goberno galego, engadindo que para aqueles vehículos que acceden dende a rúa da Axesta, a saída será polo Mercado Municipal en dirección á estrada de Miraflores.
Permitirase o acceso a través da rúa Ancha, exclusivamente, a aqueles condutores que acrediten ter licenza de vao permanente no tramo da rúa Real que non se vexa afectado polas obras.
“As obras suporán unha importante mellora dos servizos públicos na rúa Real de Muros”, informou o Concello, expresando o seu agradecemento á cidadanía pola súa comprensión e polas molestias xeradas.
