O 22 de febreiro vaise celebrar en terras sonenses a edición 2026 do Xtosín Trail, un clásico da comarca do Barbanza neste deporte que reivindica a fermosura das nosas paisaxes e da nosa natureza. Será, en palabras da organización, “unha proba na que se combina a dureza do percorrido cunhas paisaxes espectaculares”
As persoas participantes poderán escoller entre dúas distancias: o trail longo de 21K e un desnivel de 980 metros ou o curto de 15K, cun desnivel de 750 metros. Ademais, tamén se realizará unha andaina de 15 km
As persoas interesadas xa poden formalizar a súa inscrición a través da web galitiming.
Organizan Arousa Neo, Sachacamiños e o Concello de Porto do Son.
A proba vén con tres modalidades: o trail curto, cunha distancia de 15 quilómetros e un desnivel de 750 metros; o trail longo cun percorrido de 21 quilómetros e un desnivel de 980 metros; e por último a andaina, que vén cunha distancia a percorrer de 15 quilómetros.
A saída será o porto pesqueiro de Portosín.
