A Escola Municipal de Música de Muros visitou o Centro de Día para ofrecer un concerto moi especial, adicado ás persoas maiores usuarias
deste servizo.
A concelleira de Ensino, Laura Rivadeneira, sinalou que “foi unha experiencia entrañábel, na que a Escola de Música foi acollida con gran cariño e na que todos desfrutamos coa música; incluso algunhas persoas se animaron a botar uns bailes”.
Engadiu ademais que “é moi importante levar a música directamente ás persoas que teñen maior dificultade para desfrutar desta arte na programación convencional, asegurando que tamén poidan gozar destas propostas”.
Tamén quixo agradecer o compromiso do profesorado e do alumnado da Escola: “Para o Concello é unha sorte contar coa ESMU, sempre dispoñíbel
para colaborar neste tipo de actividades”.
