Proseguen en Noia os traballos de limpeza e acondicionamento de espazos públicos, equipamentos e infraestruturas, co obxectivo de mellorar non só o aspecto visual destes espazos senón tamén a accesibilidade e a seguridade.
O Plan Limpamos Noia impulsado polo Concello chegou os días pasados ao Obre – Chaínza e continúan os labores de adecuación e melloras noutras zonas de Noia.
Na Chaínza fórense desenvolvendo distintas accións nas dúas últimas semanas e de xeito paralelo as brigadas municipais continuaron os traballos de mellora e mantemento en diferentes zonas do concello:
-Limpeza e adecuación do Lavadoiro da Chaínza
-Limpeza da pasarela do Paseo Marítimo
-Adecuación e limpeza do parque infantil cuberto de Labarta
-Instalación dunha nova fonte no Campo da Feira, adaptada para persoas e cans
-Limpeza da pasarela do Paseo Marítimo
-Limpeza e adecuación na zona de Abruñeiras
-Limpeza na contorna do río de Argalo
-Limpeza e mellora na Rúa Espírito Santo e Santísima Trinidade
-Intervención de urxencia na zona da Rasa
“Seguimos traballando para manter Noia limpa e coidada, mellorando espazos públicos para o desfrute de todas e todos”, informou o Concello agradecendo ao persoal municipal “o seu compromiso e esforzo diario, facendo posíbel que Noia esté limpa, coidada e nas mellores condicións para todas e todos”.
