O temporal fixo estragos este mércores e na madrugada deste xoves no Campo da Feira en Noia. Segundo informou o Concello na mañá deste 6 de novembro, a forza do vento volveu tirar abaixo outra árbore no Campo da Feira, que se suma á tronzada hai dúas semanas polo mesmo motivo.
O Concello sinalou se trata de árbores, na súa maioría, en moi mal estado, moitas delas comidas por fungos ou mesmo baleiradas no seu interior, o que compromete enormemente a súa estabilidade e, máis aínda, ante fenómenos meteorolóxicos coma este.
O exemplar caído na madrugada deste xoves, en concreto, xa estaba informado polo enxeñeiro e sinalado para a súa tala.
O Concello agradeceu aos servizos de emerxencia pola súa rápida intervención para garantir a seguridade da veciñanza.
