O sábado 29 de novembro Noia vai dar acollida a unha Xornada de Iniciación á Micoloxía, coa que introducir á veciñanza no apaixonante mundo dos cogomelos. Dará comezo ás 10.00 horas no Edificio do Casino e estará organizada polo Concello. A vertente da formación teórica virá da man do profesor de Bioloxía Xosé Lois Piñeiro, que achegará unha exposición de setas. E ás 11:30 h, celebrarase saída ao monte para poñer en práctica o aprendido. As inscricións están abertas na Rede. As prazas serán limitadas. O Concello sinala que esta actividade é “unha excelente oportunidade para coñecer e poñer en valor o noso patrimonio natural, aprendendo a identificar, respectar e conservar a biodiversidade que nos rodea”.
