O Concello de Noia estreará en decembro o seu primeiro Mercado de Nadal, unha nova iniciativa que busca, en palabras do Goberno local, “encher as rúas de ilusión, creatividade e espírito festivo” ao tempo que se dinamiza o tecido comercial da vila e do concello. Está aberto a negocios de artesanía, produtos locais e creatividade, e, en definitiva, “a calquera que queira formar parte dunha experiencia única que se vai desenvolver do 18 ao 23 de decembro”, explicou o Concello. As persoas interesadas en participar teñen até o 3 de decembro para facelo a través do documento en liña habilitado.
