A Universidade de Santiago de Compostela (USC) anunciou oficialmente a convocatoria electoral para elixir á persoa que ocupará o Reitorado durante o próximos seis anos. A primeira volta das eleccións celebrarase o 12 de febreiro de 2026, mentres que, en caso de ser necesaria unha segunda votación, esta terá lugar o 11 de marzo do mesmo ano.
O calendario electoral, feito público recentemente, establece todas as datas crave do proceso para a elección da futura reitora ou reitor da institución. Xunto a esta convocatoria, a USC tamén publicou os procesos electorais para a elección de representantes no claustro universitario, nas xuntas de centro e nos consellos de departamento.
As reclamacións ao censo provisional poderán presentarse #ante a Secretaría Xeral do 10 ao 14 de novembro, coa resolución das mesmas prevista para o día 18. Posteriormente, entre o 18 e o 21 de novembro, poderán presentarse os recursos #ante a Comisión Electoral Central (CEC), publicándose o censo definitivo o 25 de novembro.
O prazo para a presentación de candidaturas estenderase do 26 de novembro ao 5 de decembro. A proclamación provisional realizarase o 11 de decembro, e os recursos poderán presentarse entre o 12 e o 16 de decembro. A proclamación definitiva de candidaturas será o 19 de decembro.
A campaña electoral desenvolverase entre o 27 de xaneiro e o 10 de febreiro de 2026, reservándose o 11 de febreiro como xornada de reflexión. A proclamación provisional de candidatos ou candidatas electos/as producirase o 13 de febreiro, abríndose un novo prazo de reclamacións do 18 ao 24 de febreiro. A proclamación definitiva terá lugar o 26 de febreiro.
En caso de celebrarse unha segunda volta, a campaña estenderase do 27 de febreiro ao 9 de marzo, con votación o 11 de marzo. A proclamación provisional da persoa electa será o 12 de marzo, e tras o período de recursos —do 13 ao 20 de marzo—, a proclamación definitiva efectuarase o 23 de marzo de 2026.
