Durante o venres, continuaremos baixo a influencia anticiclónica, o que favorecerá unha xornada de tempo seco e estable. Agárdanse nubes de tipo alto en xeral, con néboas matinais en zonas de interior e algún crecemento de nubes de evolución pola tarde nas áreas montañosas do sur, sen consecuencias significativas.
As temperaturas experimentarán un lixeiro descenso, mentres que no litoral atlántico poderán formarse brétemas costeiras ao longo do día(23 a 26 graos máxima).
Os ventos soprarán moi frouxos e de dirección variable con réxime de brisas nas Rías Baixas durante a tarde.
A PARTIR DO SÁBADO POLA TARDE CHEGA A CHOIVA A GALICIA QUE CONTINUARÁ DURANTE TODA A SEMANA.
O noso mar; Vento variable á mañá e á noite e do oeste á tarde, forza 1 a 2 á mañá e á noite e 2 a 3 á tarde. Mar rizado á mañá e á noite e mar ovellado á tarde. Visibilidade regular á mañá e á tarde e boa á noite. Mar de fondo do noroeste, con ondas de 0.5 a 1 metros.
