Axentes da Policía Local de Ribeira, e as dotacións de garda do Parque Provincial de Bombeiros (Ribeira) e o GAEM (Protección Civil de Ribeira) traballaron conxuntamente este 15 de outubro, mércores, para socorrer a unha persoa ferida nun accidente ao seu paso pola parroquia de Oleiros, na estrada AC-550. No sinistro o automóbil chegou a perder o seu eixe traseiro.
Os efectivos foron mobilizados polo CIAE 112. No lugar tamén asistiu á persoa ferida (a condutora do vehículo) a ambulancia do 061 (que trasladou á condutora á área de Urxencias do Hospital do Barbanza) e máis a Garda Civil de Tráfico. O accidente rexistrou sobre as 16.00 horas da tarde deste mércores, na curva de Productos Cárnicos García. No sinistro viuse implicado un Peugeot 306 (na imaxe) que ía en dirección Porto do Son e máis un Audi A1. Foi un choque frontolateral, logo de que un dos vehículos sinistrados invadise o carril contrario.
