O Centro Cultural Lustres Rivas (Ribeira) acolle actualmente a exposición 7 lúas, de Goretti Bello; unha visión etérea da artista en cor, luz e movemento que se amplía ata o 22 de novembro. A mostra atópase integrada por preto dunha trintena de obras entre óleos sobre lenzo, vidreiras enchumbadas, esculturas, así como unha instalación.
Goretti busca coas súas creacións estimular os sentidos dos espectadores que contemplan os seus lenzos, vidreiras e vídeo proxeccións. As cores e o simbolismo universal forman a parte íntegra da súa expresión artística vinculándoos cos puntos enerxéticos do corpo, coñecidos comunmente como chakras, e a contorna, a natureza e os símbolos esotéricos de conexión ao universo e o divino interior. O horario de visitas é de luns a venres, de 10.00 a 14.00 e de 18.00 a 21.00 horas, ademais de permanecer aberta nos sábados, en horario de 10.00 a 14.00 horas.
