Na tarde do pasado mércores, a iniciativa de participación cidadá do Concello de Noia (O Goberno Escoita) fixo a súa terceira parada polos diferentes núcleos do territorio, desta volta na parroquia da Barquiña, onde os representantes do Goberno local tiveron ocasión de escoitar as principais demandas da veciñanza en materia de acción municipal. “Ninguén coñece mellor a realidade do municipio mellor que os propios veciños e veciñas e a participación cidadá é clave para establecer prioridades e tomar decisións que melloren o estado da vila e de todas as parroquias”, explicou o Concello.
Participaron (aproximadamente) medio centenar de veciños e veciñas, ademais do alcalde Francisco Caamaño, o primeiro tenente de alcalde, Manuel Seijas e a 2ª tenente de alcalde, Sandra González.
A próxima cita será en Boa, no Local Social de Boa, o mércores 8 de outubro ás 19:00 h.
O Concello lembra á cidadanía que pode estar ao tanto da actividade municipal a través do servizo no Whatsapp (chat) habilitado dende o Consistorio. onde a cidadanía pode unirse á comunidade
