O Concello de Noia segue adiante cos labores de limpeza, poda e adecentamento en distintos puntos do municipio.
Esta semana actuouse principalmente nas seguintes zonas:
-Roza e limpeza en Ousoño
-Limpeza de fontes
-Actuación de poda, roza e adecuación no campo de fútbol
-Limpeza do Espírito Santo
-Actuación de limpeza na ria de Noia
-Adecuación e limpeza na zona de Testal
Dende o Concello agradeceron “a comprensión da veciñanza” e reiteran o compromiso do Goberno local “por manter os espazos públicos en condicións óptimas para todas e todos”.
Fontes do Consistorio engadiron que “debido ao prolongado tempo sen mantemento que presentaban algunhas destas zonas, e tras o correspondente informe técnico, foi preciso realizar unha intervención máis profunda do habitual para devolverlles un estado axeitado e seguro para o desfrute veciñal”.
