Este luns 13 de outubro a Biblioteca Municipal de Noia celebrou o Día das Escritoras cunha lectura pública de voces femininas, a partir das 20.00 horas. Na sesión as e os participantes falaron tanto de autoras coñecidas como de outras con menos sona, pero, segundo destacaron dende a Biblioteca, “merecedoras igualmente de reivindicar o seu sitio na literatura”. A xuntanza foi tamén un xeito de homenaxear a forza, a creatividade e o legado das escritoras.
Na xornada participaron o Clube de Lectura de Adultos María Mariño, os membros do Grupo de Teatro de Noia e a concelleira Chelo Martínez, colaborando na lectura dos textos. Esta actividade forma parte da celebración da X Edición do Día das Escritoras organizado pola Biblioteca Nacional de España.
