A asociación empresarial Noia Historica quixo dar a benvida ao outono, que se atrasou este ano unhas cantas semanas, “con moita ilusión e cunha manchea de premios”. Faino coa campaña Estrea Outono en Noia, que inclúe un sorteo de 300 € para gastar nas tendas locais, que se realizará este luns 27 de outubro.
Suporá, en palabras da patronal noiesa, “unha oportunidade perfecta para empregar o bono MercaNaVila da Deputación da Coruña e apoiar o comercio de proximidade”.
Ademais, o venres 24 de outubro, a partir das 17:30 h, a praza do Curro encherase de diversión con inchables e chocolatada para a rapazada.
Sorteo: 27 de outubro
Máis info e bases: na web de Noia Histórica.
