Este Día de Todos os Santos, Noia convértese nun escenario para a memoria e a emoción coa proposta Laudatio Funebris, unha xornada dedicada á morte, ao pranto e ao alén na tradición galega medieval.
Haberá un roteiro co narrador e dramaturgo barbanzán Quico Cadaval e un concerto de música antiga galega na Igrexa de Santa María A Nova.
Programa
17:30 | Ponte de Traba
Roteiro conducido e contado por Quico Cadaval, unha viaxe pola historia e as lendas do noso territorio.
19:30 | Igrexa de Santa María a Nova
Concerto: Cinco prantos para un reino a cargo do Grupo 1500, que transportará ao público ao son das músicas e emocións do Reino da Galiza.
Trátase dunha actividade organizada por ACentral Folque coa colaboración da Deputación da Coruña e do Concello de Noia.
