Galicia despedirá o martes con cambio de tempo, xa que unha fronte procedente do sur afectará o territorio na segunda metade da xornada.
Durante a mañá agárdanse ceos con nubes altas e ambiente tranquilo, pero a situación irá empeorando co paso das horas. A nubosidade aumentará progresivamente, e as chuvias farán acto de presenza pola tarde, sendo máis probables nas comarcas do oeste. Xa pola noite, a precipitación estenderase a toda Galicia.
As temperaturas experimentarán un lixeiro descenso(18-20 graos), mentres que os ventos soprarán do sueste e leste, en xeral frouxos.
A chegada desta fronte porá fin á estabilidade dos últimos días, deixando unha xornada de transición cara a un tempo máis húmido e inestable.
O noso mar: vento do sueste á mañá e do sur á tarde e á noite, forza 1 a 3 á mañá e 3 a 5 á tarde e á noite. Mar rizado á mañá e marusía á tarde e á noite. Visibilidade mala á mañá e á tarde e boa á noite. Mar de fondo do noroeste, con ondas de 0.5 a 1.2 metros á mañá e 0.5 a 1.5 metros á tarde e á noite.
Entramos en tempo revolto con choiva duranate os próximos días:
