A A.C. Barbantia, Edicións Trinta por uma linha, La Voz de Galicia e o Concello de Ribeira organizan este venres, 31 de outubro, ás 20:00 horas, no Centro Cultural Lustres Rivas, o acto de presentación do libro Honorata e a casa das palabras gardadas, da escritora Ánxela Gracián.
No evento intervirán o escritor Antonio Piñeiro, a profesora da USC Marta Neira, a propia autora Ánxela Gracián e a alcaldesa de Ribeira, María Sampedro.
Esta iniciativa enmárcase nas actividades culturais que promove a asociación Barbantia, en colaboración co Concello de Ribeira, co obxectivo de achegar a literatura galega contemporánea á cidadanía e fomentar o diálogo entre creadoras e lectores.
Ademais, o suplemento cultural A Voz de Barbantia nº 208 acompañará a edición de La Voz de Galicia do sábado 1 de novembro de 2025, ofrecendo contidos sobre a actualidade literaria e cultural da comarca.
