O Concello de Muros confirmou que avanzan “a moi bo ritmo” as obras de renovación do pavimento de dous camiños en Abelleira e Tal.
Nun plano máis específico, dende o Consistorio sinalan que a día de hoxe están en marcha as obras de renovación do pavimento dos camiños de Somorto, en Abelleira, e Cabanas, en Tal, que servirán para potenciar a seguridade viaria e a accesibilidade, dando resposta ademais ás demandas veciñais.
“No camiño de Tal comezaron hoxe co formigonado, uns traballos que se realizarán a próxima semana en Abelleira”, explica Laura Rivadeneira, concelleira de Obras de Muros.
O investimento conxunto en ambas actuacións é de 73.610 euros (financiadas por AGADER, Axencia Galega de Desenvolvemento Rural).
