O Goberno Escoita, a xira de xuntanzas veciñais do Concello de Noia, chega a vindeira semana a Orro, logo do encontro celebrado en Pontenafonso, onde o equipo de Goberno tomou nota das principais demandas das persoas residentes neste núcleo.
O vindeiro mércores, 29 de outubro, ás 19:00 h, o alcalde e o equipo de Goberno achegaranse ao Local Social de Orro para seguir recollendo as ideas, propostas e inquedanzas da veciñanza.
Segundo o Concello, “a participación veciñal é clave para seguir construíndo unha Noia mellor”.
Dende o Executivo local tamén destacan o “bo resultado” e a “gran acollida” que están a ter as xuntanzas de O Goberno Escoita en todas as parroquias.
E engaden: “Queremos seguir escoitando ás veciñas e veciños, como fixemos coas reunións abertas co comercio, a hostalaría ou na organización do Samaín, recollendo ideas e propostas para mellorar entre todas e todos”.
