Galicia perderá este sábado 6, San Zacarías, a influencia do anticiclón polo avance dunha fronte fría activa, que atravesará a comunidade nas últimas horas da xornada. O día comezará con ceos cubertos por nubes medias e altas, máis compactas na metade oeste.
A medida que avance a tarde, as precipitacións irán entrando pola franxa atlántica, con intensidade moderada nas provincias costeiras, e estenderanse ao resto do territorio xa durante a noite.
As temperaturas mínimas subirán de forma moderada, mentres que as máximas quedarán sen cambios ou con lixeiros descensos na metade occidental. Os ventos soprarán do sur-suroeste, moderados en xeral, con refachos fortes no litoral coincindo co paso da fronte.
O noso mar: Vento do sur á mañá, do sur á tarde e do sur á noite, forza 2 a 3 á mañá, 4 a 5 á tarde e 5 a 7 á noite. Mar ovellado á mañá, forte marusía á tarde e media vaga á noite. Visibilidade boa á mañá e á tarde e mala á noite. Mar de fondo do noroeste á mañá, oeste á tarde e sudoeste á noite, con ondas de 0 a 1 metros á mañá, 1 a 2 metros á tarde e 2 a 3 metros á noite.
