O Concello de Noia informa de que xa está aberto o prazo de presentación de ofertas para dúas actuacións de mellora que veñen de saír a licitación, co obxectivo de “seguir avanzando na modernización das infraestruturas locais e no apoio ao tecido empresarial”.
En concreto, trátase das seguintes obras:
Mellora do acceso Vilafabeiro–Vilardante e Alvariza, cun orzamento de licitación de 48.059,41 euros, e cun prazo de presentación de ofertas aberto ata o 10 de outubro de 2025.
Pavimentación do parque empresarial de Augalevada, cun orzamento de licitación de 82.633,60 euros, e cun prazo de presentación de ofertas aberto ata o 16 de outubro de 2025.
O Goberno local subliña que estas actuacións responden “ao compromiso de mellorar a rede viaria municipal e favorecer o desenvolvemento económico de Noia, creando espazos máis seguros, accesibles e competitivos para veciñanza e empresas”.
A documentación e os prazos completos atópanse publicados na Plataforma de Contratación do Sector Público.
