Este venres 12 de setembro a Casa da Cultura de Noia vai acoller a presentación do libro Querido Librero, unha obra do veciño da vila noiesa José luis Romero. Xunto co autor, estarán presentes Ana Arca, coordinadora do Club de Lectura María Mariño, e a concelleira de cultura Chelo Martínez. A cita literaria será no primeiro andar da Casa da Cultura Antón Avilés de Taramancos, a partir das 20.00 horas.
Sinopse
Cando Aline, unha nova actriz de teatro, escribe a unha librería de segunda man en busca de obras de teatro de Lorca que quere adaptar en París, non espera coñecer a Alberto, un libreiro co que iniciará un intercambio epistolar onde os sentimentos, e a literatura, serán o punto de partida dunha historia de amor que tentará a resistir ao paso do tempo. Décadas despois, Helena, filla de Alberto e nai recente, atopa aquelas cartas escondidas no dormitorio do seu pai, xusto despois da súa desaparición, e descobre o seu maior secreto.
O autor
José Luis Romero (Córdoba, 1977). Licenciado e doutor en Educación (UAM). Exerce como profesor de inglés. Lector voraz, colaborou con diferentes medios de comunicación (RNE, El Correo Gallego…) e revistas (Vogue, Ulrica, Letras en Vena…) falando de libros. Coa súa primeira novela, Volver a conocernos (Edicións B, 2022), demostrou ser un autor cheo de forza, valor literario e gran sensibilidade.
