Efectivos de garda do Grupo de Emerxencias e Protección Civil Municipal de Ribeira (GAEM) foron informados a través do CIAE 112, na tarde deste domingo 28 de setembro, dunha emerxencia cidadá en Santa Uxía, no barrio das Avesadas. A emerxencia localizouse nun edificio da rúa Carlos Casares, onde as persoas participantes no dispositivo tiveron que proceder á apertura dunha vivenda por mor dunha persoa que necesitaba asistencia no seu fogar. Unha vez se accedeu ao seu domicilio a persoa foi trasladada a un centro hospitalario. O dispositivo estivo integrado por 061 Urxencias Médicas, persoal sanitario do PAC, Policía Local de Ribeira, Bombeiros Ribeira e Policía Nacional de Ribeira.
