Este sábado arrancou en Noia a iniciativa municipial O Goberno Escoita, e fíxoo cunha xuntanza coa veciñanza de Ousoño na que participaron representantes do novo Concello, por unha banda, e medio cento de veciños e veciñas, pola outra. No transcurso do encontro tratáronse de preto cuestións como o calendario de rozas, a limpeza, o subministro de auga para consumo doméstico ou o saneamento. O Executivo local agradeceu a presenza das veciñas e veciños e de todas as persoas “cantas participaron nesta primeira reunión do programa O Goberno Escoita, unha iniciativa de rendición de contas e información directa á cidadanía do Concello de Noia”. Dende o Consistorio anunciaron que en breve serán levadas a cabo novas xuntanzas veciñais nas parroquias, “porque escoitar á cidadanía é a mellor forma de seguir construíndo Noia entre todas e todos”, sinalaron.
