O programa itinerante de diálogo cidadá posto en marcha polo Concello de Noia para fomentar a máxima implicación da veciñanza dos distintos núcleos na actividade municipal, O Goberno Escoita, recala esta semana na Barquiña, tras as xuntanzas participativas celebradas en Ousoño e San Paio. Este mércores 1 de outubro ás 19:00h no Local Social da Barquiña, o alcalde e o equipo de Goberno estarán presentes para escoitar de primeira man as ideas e propostas para mellorar A Barquiña e o conxunto do municipio.
“Será un encontro aberto coa veciñanza para reforzar a transparencia e fomentar a participación cidadá”, avanzou o Concello, salientando tamén que se tratará “dunha oportunidade para coñecer de primeira man a realidade do concello e facer chegar directamente as túas inquedanzas”.
