O tenente de alcalde, Julio Alcalde, e a concelleira de Política Social, Ana Vidal, participaron este sábado 30 de agosto na festa clausura do Campamento Concilia Verán 2025 que levou a cabo o Concello de Rianxo durante os meses de xullo e agosto e no que participaron 240 rapaces e rapazas.
Na festa de despedida do campamento a rapazada asistente puido desfrutar dunha xornada con inchábeis, obradoiros de traballos manuais e xogos.
A tradicional romaría do Campamento Concilia Verán do Concello de Rianxo celebrouse finalmente, dadas as condicións meteorolóxicas, no pavillón do CEIP Ana María Diéguez de Asados (sendo o emprazamento inicialmente previsto o campo de Santa Lucía). Ás 13.30 horas actuou Cé Orquestra Pantasma e pola tarde, ás 19.00 horas, foi a quenda da agrupación de rock infantil Uxía Lambona e a Banda Molona.
