Este luns Galicia situarase nunha posición intermedia entre as altas e baixas presións, baixo a influencia dunha circulación do noroeste. A xornada comezará con néboas e nubes baixas en boa parte do territorio, con posibilidade de orballos ocasionais no litoral norte.
Co avance do día, os ceos irán abrindo, dando paso a unha tarde de alternancia de nubes e claros, máis despexada nas Rías Baixas e con maior nubosidade no norte da comunidade.
As temperaturas descenderán de xeito moderado, especialmente nos valores máximos nas zonas do interior. Os ventos soprarán de compoñente norte, con intervalos moderados.
O noso mar: Vento do norte á mañá e á noite e do noroeste á tarde, forza 3 a 4 á mañá, 4 a 5 á tarde e 3 a 5 á noite. Marusía á mañá e á noite e forte marusía á tarde. Visibilidade boa. Mar de fondo do noroeste, con ondas de 0.5 a 1 metros.
