A organización do Festivalo, cuxa nova convocatoria celebrarase o próximo mes de setembro en Manselle (Dodro), lanza a edición 2025 do Campionato de Bolos Festivalo. O vindeiro sábado 23 de agosto a partir das 17h vaise celebrar o campionato de bolos por parellas no campo de bolos de Manselle. Ademais do propio campionato haberá musica a cargo de Maruxa e Coralia Dilleis.
Amais, habilitarase unha cantina con petiscos e bebidas para todos os asistentes hasta esgotar existencias. Ao remate “seguirá a festa aproveitando que este fin de semana non hai ningunha no concello”, sinalou a organización do Festivalo, engadindo que o campionato contará con liga e fase eliminatoria con trofeos para a mellor parella, segunda clasificada e mellor bolada.
O custe da inscrición será de 3 euros por parella e poderase facer cinco minutos antes do comezo da competición.
Todo o recadado será para financiar o Festivalo 2025.
