Este luns 18 de agosto, tralo asfaltado levado a cabo recentemente, Portos de Galicia acometerá o repintado das marcas viarias na avenida do Malecón de Ribeira, segundo confirmou a Policía Local, engadindo que ” dende as 06:00 horas estará prohibida a parada e o estacionamento en ambas marxes do carril de circulación en dirección á Rotonda de Capitanía Marítima”. Amais, durante as tarefas de pintado, a circulación polo dito carril desviarase na rotonda das Amas de Casa, polo interior da zona portuaria, agás para o transporte público e os servizos de emerxencias.
Por outra banda, avísase aos profesionais do transporte de mercadorías e paquetería que teñen á súa disposición, como zona reservada, a actual zona exprés do mercado dos Sábados, localizada na avenida do Malecón.
Dende a Policía Local de Ribeira solicitan “a colaboración dos condutores para retirar con antelación os vosos vehículos da zona afectada”.
