A parroquia de Fruíme celebra este mes de setembro, os días 20, 21 e 22, a súa tradicional Romaría das Cabesas, con actividades relixiosas, concertos a diferentes horas do día e propostas de lecer e diversión para a rapazada. Os festexos están organizados pola Comisión de Festas de Fruíme e contan coa colaboración do Concello de Lousame.
As festas arrincan o xoves 18 e o venres 19 con misas triduo ás 19.00 horas. O sábado 20 comezará cunha misa adicada á Virxe das Dores, ás 13.15 horas, e pola tarde con inchábeis gratis para a rapazada a partir das 17.00 horas. Haberá ás 19.00 unha nova misa triduo e pola noite verbena con Disco Móbil MG, Leticia Sabater e La Noche.
O domingo 21, adicado a Santa María da Cabeza, contará con misas a diferentes horas da mañá: ás 9, ás 19, ás 11 e ás 12h. Ás 13h está prevista unha misa solemne na honra de Santa María da Cabeza con procesión. Ás 14h celebrarase unha sesión vermú con JB Son e logo haberá pinchos con empanadas de balde. Ás 19h haberá unha nova misa solemne adicada a Santa María da Cabeza, e pola noite verbena con JB Son. A xornada festiva rematará cunha tirada de fogos artificiais.
O luns 22 estará adicado a San Antón e San Roque. Arrincará con dianas e alboradas a cargo do grupo de gaitas Trécola e logo haberá unha misa solemne ás 13h adicada a Santa Antón, con procesión. Ás 14h está programada unha sesión vermú con Trécola.
