A Asociación Boirense de Empresas (ABE) fixo entrega dos premios aos gañadores da primeira quincena da campaña Quincenas Fantásticas, unha iniciativa que continúa superando expectativas e consolidándose como “un referente na dinamización do comercio local durante o verán”.
As persoas premiadas nesta primeira quincena foron:
-Diego, gañador de 250 €, por unha compra en Atmósfera Sport – Deportes Brincos
– Ana Pombo, gañadora de 150 €, por unha compra en Princesas y Príncipes
– Ana Mª Rodríguez García, gañadora de 100 €, por unha compra en Alimentación Teresa
Cada unha delas recibiu os seus Bonos ABE, que poden gastar en máis de 200 negocios locais asociados, sen data de caducidade: unha fórmula que “permite premiar aos consumidores á vez que se reforza o tecido comercial da vila”, explicou a ABE.
A primeira quincena (do 1 ao 15 de xullo) pechouse con 2.000 tíckets rexistrados, “marcando un récord histórico de participación”, sinalaron dende Asociación Boirense de Empresas, engadindo que a segunda quincena, que aínda está en marcha, apunta mesmo máis alto: xa se superaron os 1.500 rexistros cando aínda falta unha semana para o sorteo, que terá lugar o 4 de agosto.
Desde ABE animan a todos os clientes a seguir rexistrando as súas compras, lembrando como participar: subindo o tícket e cubrir o formulario en www.abe.gal.
A campaña Quincenas Fantásticas está co-financiada pola Xunta de Galicia.
