O Concello de Porto do Son atendeu unha demanda veciñal e executou unha nova zona de estacionamento público lindeiro coa Piscina Municipal.
En concreto, o Concello habilitou unha parcela de titularidade municipal para realizar este aparcadoiro que, segundo explicaron fontes do Consistorio, “ofrece unha solución de estacionamento ante a alta cantidade de xente que acude todos os días ás instalacións deportivas”.
A intervención, que conta cun investimento de 5.756 euros de fondos propios do Concello, consistiu en preparar o terreo e acondicionar o firme con saburra compactada.
Tras rematar as obras, desde o Goberno local destacaron que “esta actuación pon solución a unha alta demanda de zona de estacionamento e facilita o acceso de todas as persoas usuarias da piscina e do ximnasio municipal”.
