Galicia vivirá este xoves 22, Santa Rita, unha xornada marcada pola estabilidade atmosférica e á circulación de nordés, que condicionará o tempo en todo o territorio.
Na comarca e nas rías predominarán os ceos despexados, aínda que con presenza de nubes de tipo medio e alto, que non impedirán a entrada da luz solar. Esta situación favorecerá unha sensación térmica agradable.
As temperaturas mínimas experimentarán un lixeiro descenso, mentres que as máximas se manterán sen cambios destacados con respecto á xornada anterior(12/25 graos). Este contraste térmico podería facer que as primeiras horas do día sexan algo frescas, sobre todo nas zonas do interior.
O vento soprará do norte-nordés con intensidade moderada, aínda que se esperan refachos fortes nas Rías Baixas durante a tarde, o que podería afectar especialmente a navegación e as actividades ao aire libre preto da costa.
O noso mar: Vento do norte á mañá e do norte á tarde e á noite, forza 4 a 5 á mañá e 5 a 6 á tarde e á noite. Forte marusía. Visibilidade boa. Mar de fondo do noroeste, con ondas de 0.5 a 1.5 metros á mañá, 1.5 a 2 metros á tarde e 1.5 a 2.5 metros á noite.
