O Partido Popular (PP) foi un dos representados dende un principio no Parlamento de Galicia que asumiu a reclamación do uso do idioma galego nas institucións da Unión Europea. Pero hoxe en día, o presidente da Xunta, Alfonso Rueda, actual líder do PP de Galicia, coida que esta comunidade autónoma “ten prioridades moito maiores” que o desembolso que pode supor o emprego do galego no Europarlamento.
É un xeito moi significativo de defender a identidade de Galicia, algo que sí fixo Manuel Fraga Iribarne dende a súa chegada á sede da Xunta, malia un pasado que non facía pensar en tal posibilidade.
O posicionamento marxinal de Alfonso Rueda contraponse cos dos presidentes das outras dúas comunidades históricas españolas (Euskadi e Catalunya) cuxos intereses no uso das súas respectivas línguas nas instancias comunitarias non deixan dúbidas ao repecto, como tampouco as deixan arestora o BNG e o PS de G-PSOE.
Sen embargo o PP de G. , cos seus 40 deputados no pazo do Hórreo foi o valedor da aprobación a principios deste mes dunha iniciativa socialista en apoio ao uso do idioma galego no Parlamento de Europa. En definitiva, recoñecer o galego como língua oficial nas institucións comunitarias, algo que non acadou por máis que o pelexou o europarlamentario do BNG Camilo Nogueira Román, o enxeñeiro e economista nacionalista galego que loitou entre os anos 1990 e 2004 para se expresar en galego . Só poido facelo en galego-portugués porque o Europarlamento tampouco recoñeceu a língua materna dos galegos como de uso vehicular na Eurocámara.
Pero que unha organización política galega faga renuncia expresa nas institucións comunitarias a algo que defende en Galicia coma signo de identidade propia (a língua de seu) semella non ser moi coherente.
A defensa da oficialidade do galego, o eúscaro e o catalán nos órganos da UE non é nada novo, malia o golpe dado esta semana polo Consello de Asuntos Xerais da Unión Europea, ao pospoñer a votación polas reticencias de cando menos sete estados membros.
Queda todo, polo de agora, a expensas do que o 24 de xuño poda decidir o Consello de Asuntos Xerais da UE xa que logo non se desbota a posibilidade de que España someta este asunto a unha nova votación.
España forma parte da UE desde novembro de 1987. Dende aquela, o Goberno español – presidido por José Luis Rodríguez Zapatero- realiza a día de hoxe trámites encamiñados a que as línguas aquí cooficiais poidan usarse nas institucións comunitarias.
