O alcalde de Rianxo, Julián Bustelo, recibiu este luns 19 de maio, no salón de plenos, a Primitivo Aliste, sarxento do posto da Garda Civil durante os últimos 15 anos. Primitivo deixa Rianxo logo de acadar recentemente o ascenso a brigada.
Bustelo agradeceulle os seus anos de traballo no municipio rianxeiro, así como “a disposición a traballar sempre de maneira conxunta e coordinada co Concello de Rianxo, e en particular coa Policía Local, nas diferentes actuacións e dispositivos”.
Dende a Policía Local de Rianxo tamén felicitaron a Primitivo Aliste “polo seu recente ascenso a brigada” e desexáronlle “tamén moita sorte no seu próximo destino”.
