Este xoves 15 de maio ás 19:00 horas, o Centro Cultural Lustres Rivas de Ribeira acollerá o proxecto Ruralízate, unha mostra fotográfica acompañada de faladoiro organizada pola Asociación Agroecolóxica Sachos á Rúa. O evento reunirá o traballo dos Tres de Xeve, colectivo formado polos fotógrafos Miguel Vidal, Cristina Saiz e Manuel Hermida, que mediante as súas lentes exploran a identidade rural dende múltiples perspectivas.
A proxección combinará: fotoperiodismo global (Miguel Vidal, colaborador de Reuters), con imaxes que van desde conflitos internacionais á vida cotiá nas aldeas, retratos con alma (Cristina Saiz, Pontevedra Viva), onde a emoción e a cultura rural se entrelazan; e natureza en estado puro (Manuel Hermida), con paisaxes e fauna autóctona que desafían o esquecemento.
Trala proxección, haberá un faladoiro aberto sobre como a fotografía pode ser ferramenta para reivindicar o valor do rural, coa participación do público.
