A Confraría de Pescadores de Carreira e Aguiño será distinguida este venres coa Medalla de Ouro do Concello de Ribeira, a máxima distinción institucional que outorga a corporación municipal, en recoñecemento aos seus cen anos de historia ao servizo da comunidade mariñeira e do desenvolvemento económico e social da zona.
O acto de entrega celebrarase no Auditorio de Ribeira e contará coa presenza de numerosas autoridades, entre elas o alcalde de Ribeira, que presidirá a cerimonia, así como representantes civis e membros da corporación. Tamén estarán presentes ex-alcaldes da cidade e representantes de entidades do sector pesqueiro e veciñal.
A Confraría de Carreira e Aguiño é hoxe unha entidade de referencia no sector pesqueiro galego, cunha traxectoria que inclúe a promoción da educación mariñeira, a creación de escolas de pesca, servizos médicos, cooperativas de consumo e unha forte implicación no benestar da comunidade.
O acto terá lugar no Auditorio Municipal a partir das 20 horas-
Historia sobre o Pósito: Este sábado cumprironse 100 anos do “Pósito de Carreira”, xérmolo da “Confraría de Carreira e Aguiño” | O Barbanza
