Venres 11, chuvascos localmente fortes acompañados de tormenta

A inestabilidade marcará a xornada do venres de Dores en Galicia debido á chegada dos restos da borrasca Olivier desde o sur. A mañá comezará con ceos despexados, pero as nubes irán aumentando progresivamente ao longo do día ata deixar chuvascos intensos pola tarde, algúns deles con treboadas. As temperaturas mínimas manteranse sen cambios significativos, mentres que as máximas experimentarán unha baixada moderada no sur, con lixeiras subas no extremo norte. A comarca moverase entre os 14 e os 26 graos. Os ventos soprarán frouxos de dirección variable, salvo no litoral da Coruña, onde predominará o nordés con intensidade moderada e intervalos fortes.

O noso mar: Vento variable, forza 1 a 3 á mañá e á tarde e 1 a 2 á noite. Mar ovellado á mañá e á tarde e mar rizado á noite. Visibilidade boa á mañá e regular á tarde e á noite. Mar de fondo do noroeste, con ondas de 0.5 a 1.5 metros á mañá e á tarde e 0.5 a 1 metros á noite.

Cámaras web da comarca  (algunha pode nun funcionar puntualmente)

1. Coroso directo _ Santa Uxía de Ribeira
2. Praia de Balieiros directo- Corrubedo
3. Praia da Ladeira directo- Corrubedo
4. Praia das Furnas directo. Porto do Son
5. Praia Aguieira directo.Porto do Son
6. Portosín. Porto do Son
7. Sálvora. Santa Uxía de Ribeira
8. Pobra do Caramiñal directo. A Pobra
9. Centro Náutico do Freixo
10. Praia de Carnota
11. Praia de Corón Vilanova de Arousa
12. O Grove